Kabhi Kabhi Apne Dil Ko by Chandra Narayan Gupta is a heartbreaking Shayari. When you are trying to come of the pain of love.
Lyrics –
Kabhi Kabhi Apne Dil Ko, Behlane Ki Kosis Karta Hu
Kabhi Kabhi Teri Yaadon Se, Door Jaane Ki Kosis Karta Hu …
Band Kar Leta Hu Aankhein, Par Tere Khwab Nahi Dekhta
Kabhi Kabhi In Aankhon Ko, Sulaane Ki Kosis Karta Hu ….
Maayush Ho Jaaun Par Teri Tasveer Se Baatein Nahi Karta
Kabhi Kabhi Tujhe Main Dil Se Bhulaane Ki Kosis Karta Hu …
Malum Hai Hume, Ye Humse, Kabhi Na Hoga Magar,
Kabhi Kabhi Zakhmo Par, Murhum Lagane Ki Kosis Karta Hu …
Chala Jaata Hu Andheron Ki Taraf Koi Dekh Na Le Isliye
Kabhi Kabhi Ek Pal Tanha Bitane Ki Kosis Karta Hu …
Jal Jaaye Chahe Apna Hi Ghar, Aag Ki Lapto Me Magar
Kabhi Kabhi Tere Bagair, Diya Jalane Ki Kosis Karta Hu …
Umra Bhale Hi Beet Jaaye, Khamoshiyon, Viraaniyon Me
Kabhi Kabhi Khud Hi, Gungune Ki Kosis Karta Hu ….
Aur Tune Choda Hai Saath Mera E Bewafa, Isliye
Kabhi Kabhi Main Bhi, Tujhe Chod Jaane Ki Kosis Karta Hu ….
